Янкi, альбо Астатнi наезд на Лiтве
Уладзiслаy Ахроменка
Максiм Клiмковiч
Мудзiлы, хаблы, асаднiкi, жандары, палiцыянты, вайскоyцы Войска Польскага, Чырвонай Армii i Вермахта, агенты Дэфензiвы, Гестапа i НКВД, палiтвязнi, чыкагскiя копы i гангстэры, асобы славянскай, цыганскай, караiмскай, iтальянскай ды жыдоyскай нацыянальнасцяy, бадзяжная цыркавая трупа, музыкi опернага тэатра “Ля Скала”, кiназдымачная група з Галiвуду, жывёлы гарадзенскага заапарка, журавы, вароны, перапёлачкi, парсючкi, куркi ды iншыя прадстаyнiкi традыцыйнай беларускай фауны.
Падзеi адбываюцца y мiжваенны час на тэрыторыi Крэсаy Усходнiх РП (Рэчы Паспалiтай) i y Чыкага (ЗША, Ілiнойс). Факты i падзеi, выкладзеныя y кнiзе, цалкам прыдуманыя аyтарамi, чаго не скажаш пра некаторыя рэалii жыцця Крэсаy Усходнiх. Усе выпадковыя супадзеннi – недарэчнасцi, а недарэчнасцi – ненаyмысныя.
Уладзiслаy Ахроменка, Максiм Клiмковiч
Янкi, альбо Астатнi наезд на Лiтве
Факты i падзеi, выкладзеныя y кнiзе, цалкам прыдуманыя аyтарамi, чаго не скажаш пра некаторыя рэалii жыцця Крэсаy Усходнiх. Усе выпадковыя супадзеннi – недарэчнасцi, а недарэчнасцi – ненаyмысныя.
© Уладзiслаy Ахроменка, 2007
© Максiм Клiмковiч, 2007
© Медысонт, 2007
© Распаyсюджванне. ТАА «Электронная кнiгарня», 2016
Дзейныя асобы
Янка Лабановiч – былы школьны настаyнiк, аматар бiльярднага кiя i чаркi, нефармальны лiдэр усiх янак, беларускi буржуазны нацыяналiст;
Іван (Янка) Брыль – каваль-асiлак, местачковы баксёр, сябра Янкi Лабановiча, беларускi буржуазны нацыяналiст;
Янкель (Янка) Фiнберг – скрыпач, сябра Янкi Лабановiча, беларускi буржуазны нацыяналiст;
Аянька (Янка) Кiльмандовiч – лiцвiнскi татарын, харунжы Гарадзенскага Уланскага палка, сябра Янкi Лабановiча, беларускi буржуазны нацыяналiст;
Ісабэль Карвальес– артыстка бадзяжнай цыркавой трупы, паглынальнiца шваек, сяброyка Янкi Лабановiча, беларуская буржуазная нацыяналiстка;
Хросны – лiдэр беларускай мафiёзнай групоyкi “Тутэйшыя” y Чыкага, беларускi буржуазны нацыяналiст i дасведчаны гангстэр;
Карла Спагецi– легат iтальянскай мафiёзнай групоyкi “Сiцылiйская вячэра” y Крэсах Усходнiх Рэчы Паспалiтай, вельмi аyтарытэтны крымiнальнiк;
Эмiлiя Вастрабрамская– iнтэлiгентка-адраджэнка;
Вiктар Янукевiч – вораг-жандар з аховы канцлагера Бяроза-Картузская, амаральны мудзiла;
Таварыш Пранiк – камандзiр падпольнай чакiсцкай групоyкi тэрарыстаy “Халодная галава”, мудзiла;
Шалёнас Халерас – лiетувас шавiнiстас, лiдэр канкурэнтнай тэрарыстычнай групоyкi “Лабусы”, жмудзiлас;
Таварыш Баян —актыyны сябра чакiсцкай тэрарыстычнай групоyкi “Халодная галава”, мудзiла;
Кiроyца бранiраванага “Пакарда”– ягоны сябра i паплечнiк, такi ж мудзiла;
Геносэ Юзiк —вусаты дзядзька на ровары;
Таварыш Адзiк —другi вусаты дзядзька на ровары;
Дзядзька Сэм —акула Уол-стрыта;
Навум Фабрыкант– бiзнесовец;
Моyша i Гiрша – вучнi Навума Фабрыканта;
Маленькi Сруль (Ісраэль) – пляменнiк i вучань Навума Фабрыканта;
Мiкола Хапернiк – адстаyны генерал Дэфензiвы, астраном-аматар, прыхаваны парнаграфiст;
Соф’я Уласеyна Мурашова– руская графiня, удава генерал-губернатара;
Беларусачка – дзяyчынка y васiльковым вяночку;
Манамах– маскальскi папуга;
Стасiк i Чэсiк– тутэйшыя бабры;
Пралог
1
Дупа яе была вабная. Янка Лабановiч зiрнуy на яе i зразумеy: гэта лёс.
Бездакорныя клубы дрыготка адгукалiся на кожны рух. Тонкая вертыкальная лiнiя нябачным люстэркам падзяляла клубы на сiметрычныя паловы-адбiткi. Ядвабная чорная радзiмка, што амаль схавалася мiж iмi, замiлоyвала позiрк i п’янiла розум.
Але самым цудоyным быy колер клубоy – шляхетна-шакаладны, рыхтык, ранiшняя кава y фiлiжанцы пана пробашча.
Маладзён нiколi раней не сузiраy падобнай прыгажосцi. Колькi хвiлiн ён памiраy у шчасцi, а калi пераканаyся, што перад iм не мроя, вымавiy зачаравана i yрачыста:
– Дупа…
– Як бульба, што y нас у Яблонаyшчыне пражаць, – пачулася згоднае каля самага вуха. І тут да назiральнiка дайшло: на жаль, не толькi ён цешыy вока цудам нетутэйшай прыроды. Яшчэ трое маладзёнаy уважлiва yглядалiся y бездакорныя формы.
Сябры, як заyжды, былi поруч. Але ж гэтым разам – абсалютна недарэ